Europa: usage de Internet Explorer cade ancor, 2.6% min quam ante six mensus

Thursday, October 29, 2009


De un articul in francesi quel on posse leer ci.

Internet Explorer, li max usat navigator de internet, continua a cader. Secun li max recent barometre de navigatores publicat lunedí per li institution AT Internet, in septembre li navigator de Microsoft representat 62% del visitationes in Europa, contra 64.6% ante six mensus. In detra, Firefox (Mozilla) continua su bell progression, anc Google Chrome, nu li quaresim max usat navigator de internet per usatores europan.

...

In tot Europa, li navigator del Fundation Mozilla representat 27.8% del visites in marte ma 28.4% ti septembre. In Hungaria e Slovakia, li contestor Firefox es in avan de IE.

Pos ili on trova Safari (Apple), con 4.3% in septembre (contra 3.3% in marte), e Google Chrome, nu in li quaresim loc con 2.8%, du vezes plu mult quam ante six mensus. Li navigator Opera stagna a 2.2%.

1 comments:

Vivaldi said...

it es bon noventié pro que, pro tant crescent popularita de Firefox homes posse convicter se que liber programas functiona ne plu ma quam ti comercial. Forsan ti popularita va tornar li atention del publica vers liber operational sistemas - Linux. Durant long tempore yo efortia me introducter Linux in comercial dominias, ma li max grand obstacul es manca de programas dedicat por linux. It sembla que comertcial productores de computori programmas ancor ne remarcat Linux.
Forsan tal tendentie on va posser remarcar in auxlingues .... ;)

FEEDJIT Live Traffic Feed

  © Blogger templates Newspaper by Ourblogtemplates.com 2008

Back to TOP