Visita de Jean Charest a Rusia, e declaras de colabora biladal entre Quebec e Moskva

Resente, me no ia scrive multe en Lingua Franca Nova ma la lingua merita atende de la publico, donce oji me tradui un article de franses a LFN. La article en frances es trovada asi.

Quebec e Moskva suscrive un declara de colabora biladal

Un acorda ia es concluida entre la governas de Quebec e Moskva durante la visita de la Ministro Prima de Quebec Jean Charest a Moskva, con la Maior de Moskva Iouri Loujkov. La acorda dise ce la du locas "va developa se relatas biladal en la terma longa".

La acorda va, entre otra cosas, permete la intercambia de esperias e informas sur la dominas de produi industrial, siensa, ambiente, projetas urban e teritorial, la maneja de dejeto e la esplota de sistemes economial en situas invernal. El intende ance un reforti de colabora en cultur e instrui, e un conserva e reforti de erita cultural.

Plu, nor colaboror de Bénéfice-net, Anne-Caroline Desplanques, ia reporta esta posmedia ce du empresas tecnolojial orijinal de Montreal ia suscrive acordas con companias en Rusia durante esta mision economial, per un valua completa de 280 milion dolares en acordas.

Jean Charest ia encontra ance la viseministro prima de Rusia, Viktor Zubkov. Charest ia parla ance en un foro sur infrastrutur e la moderni de Rusia.

 Nota ce en la tradui me ia usa la parola urban en loca de de site ("de site" apare en la disionario per "urban" en engles) car on trova ance la parolas suburbo e suburban en LFN, e un lingua con suburbo e suburban ma no urban no ta es lojical.