Jean Sarkozy, li filio de Nicolas Sarkozy, ne es unic

Monday, October 19, 2009


Li nova de hodie in Occidental de francés es de La Presse, e es pri li recent nova que li filio de Nicolas Sarkozy va esser li chef del max important districte de aferes de Paris a un etá tre yun - 23 annus. Li articul monstra un micri comparation con altri landes queles have un situation comparabil, ma ili ne es landes in Europa.
Li possibil nomination del filio de Nicolas Sarkozy al chef del max important districte de aferes de Paris ha esset un scandale in Francia ma su historie es lontan de esser unic. Rue89 amusat se per redacter un (long) liste de ci "filios e filias de" queles seque (un poc tro) fidelmen li pasus de lor potent patres.

Ci supervise remane longmen in Africa, u li exemples ne manca. It sufice a pensar pri Ali Bongo, qui succedet su patre, li presidente durante 40 annus. In li Congo, Joseph Kabila Kabange devenit presidente pos li assassination de su patre durante que li filio del presidente del Republica de Senegal es e su personal consiliator, e li presidente del Agentia National del Organisation del Conferentie Islamic, e li Ministre de State por Transportes Aeral e Infrastructura.

Asia ne es un exception con con Kim Jong-Il, qui succedet su patre al cap de Corea de Nord in 1994 e espera a transdar a su yun filio.

In Europa, li hom fort de Uzbekistan nominat su filio quam representate de su land in li Nationes Unit. Un posto invidiabil, except por li filia del presidente de Kazakhstan, qui posse fanfaronar de esser simultanmen un membre de Parlament, director de du grupes de medies, presidente del Congress de Jurnalistes e li fundator del partise Assar...

1 comments:

Novlangue said...

Oui, n-est-ce pas ridicule? "Sharko" (le pere) devient de plus en plus impopulaire. à juste titre!

FEEDJIT Live Traffic Feed

  © Blogger templates Newspaper by Ourblogtemplates.com 2008

Back to TOP