Iran atende un change fundamental del politica del Unit States: Ahmadinejad / Iran awaits fundamental change of US policy: Ahmadinejad

Saturday, January 17, 2009

Ahmadinejad con Putin - ma Putin ne es li tema de ci articul.


Un traduction de un articul trovat ci por plu practicar Occidental. Yo es felici que yo ha trovat un lingue quel yo posse subtener 100%, nam yo vole devenir fluent in li lingue, pos que yo va posser traducter o scrir articles mult plu rapidmen quam nu. Plu rapid scrition = plu mult scrition = plu efectiv reclamation. Un cose quel noi posset vider tre bon del decedet Don Harlow esset que li reclamation de un lingue es 1% inspiration, 99% transpiration. Il ne creat ti proverbie, ma monstrat it a nos tra su actiones.
Iran atende un change fundamental del politica del Unit States: Ahmadinejad

TEHRAN (AFP) - Li presidante de Iran Mahmoud Ahmadinejad dit jovedí que Tehran atende un "change fundamental" del politicas extern del US sub li nov administration de Washington, ductet per Barack Obama.

Presidante-electet Obama dit in li semane passat que Iran resta un menacie al Unit States, ma que Washington deve esser "pret a iniciar diplomatie" con li republica islamic -- in contraste al position del departent presidante George W. Bush.

"Si changes es fundamental, genuin e fundat sur respecte... noi atende e vide e ne fa judicament prematur," dit Ahmadinejad in un conferentie de pressa, difuset viventmen ye television statal.

Il hat esset questionat pri li position de Tehran vers normalisation de relationes con Washington.

"Li unesim change quel noi expecta es que li Unit States deve limitar su interferentie a intern su frontieras," il dit. "Ili ha opresset nor popul ja 58 annus til nu... ili deve changear lor atitude a nos."

Li presidante de Iran anc opinet que li politica de "carotte e baston" es "anacronistic". "Si it es li continuation de politicas fals e arogant, on posse predir li resultate," il adjuntet.

Washington separat relationes con Iran in 1980 durante li revolution islamic pos que studiantes islamiste stormeat li US-ambassade in Tehran e tenet 52 diplomates quam ostages durante 444 dies.

Li departent administration de Bush refusat a employar negotiationes direct con Iran ante que it cessa inrichament de uran, materiale quel Washington time pove esser usat por constructer un atom-bombe.

Tehran di que su programma nucleari es solmen por scopes pacific.

1 comments:

Vivaldi said...

"Yo es felici que yo ha trovat un lingue quel yo posse subtener 100%"
Anc yo ha trovat ti lingue ante 2 mensus, e yo consenti con te in 100%

Valdi

  © Blogger templates Newspaper by Ourblogtemplates.com 2008

Back to TOP