Hamas execute 35 membres de Fatah in Gaza, noce altres / Hamas moves on Fatah 'collaborators'

Sunday, January 04, 2009

Li Bande de Gaza, plu micri quam li cité de Seoul.

Un parte de un articul quel tu posse trovar ci in anglesi, pri li situation nu in li Bande de Gaza, quel ne es solmen un combatte inter Israel e Hamas, ma anc inter Hamas e Fatah, nam Fatah vell haver un grand avantage super Hamas si Hamas vell devenir tam debil que ili ne va posser functionar quam un guvernament, e Hamas time to.

Li articul:
Li guvernament de Hamas ha tenet decines de membres de Fatah sub dom-arestation pro un timore que ili posse explotar li current operation del IDF (Forties de Defense de Israel) por reganiar control del Bande de Gaza.

Hamas fat talmen in medie de raportes que suggeste de li conductores de Fatah in Cisjordania ha instructet su adherentes esser pret a usurpar li autoritá sur li Bande de Gaza quande e si li operation del militare de Israel resulta in li finition del autoritá de Hamas.

Oficiarios de Fatah in Ramallah dit a The Jerusalem Post que milicianes de Hamas ha esset assaltant mult activistes de Fahat desde li comense del operation ye li passat saturdí. Ili dit que adminim 75 activistes esset fusilat in su gambes, e li manus de altres hat esset fractet.

...

"Hamas es tre nervosi, nam ili senti que su fine veni," dit un oficiario senior de Fatah. "Ili ha fat un campanie brutal contra membres de Fatah in li Bande de Gasa."

Ínterim, fontes proxim a Hamas revelat ci fine-de-semane que li movement hat "executet" plu quam 35 Palestinanes qui esset suspectet de colaboration con Israel, e esset tenet in varie installationes de securitá de Hamas.

Li fontes citat oficiarios de Hamas qui dit que li decision mortar li suspectet colaboratores esset del timore que Israel vell provar salvar les durante un terre-ofensive.

0 comments:

  © Blogger templates Newspaper by Ourblogtemplates.com 2008

Back to TOP