Kohelet (Ecclesiastes) in Ido: 3:1 - 3:10

• 3:1 Esas tempo fixigita por omno. Ed esas tempo por omna eventi sub la cielo--
• 3:2 Tempo naskar e tempo mortar;
• Tempo plantacar e tempo extirpar to qua esas plantacita.
• 3:3 Tempo mortigar e tempo risanigar;
• Tempo destruktar e tempo konstruktar.
• 3:4 Tempo plorar e tempo ridar;
• Tempo traurar e tempo dansar.
• 3:5 Tempo jetar stoni e tempo kolektar stoni;
• Tempo embracar e tempo evitar embracado.
• 3:6 Tempo serchar e tempo abandonar to qua esas perdita;
• Tempo retenar e tempo forjetar.
• 3:7 Tempo lacerar e tempo sutar kune;
• Tempo tacar e tempo parolar.
• 3:8 Tempo por amo e tempo por odio;
• Tempo por milito e tempo por paco.
• 3:9 Qua profito esas a la laboristo de to en qua ilu laboras?
• 3:10 Me vidabas la tasko quan Deo donabas a la filii di homi por okupar li ipsa.