Interesanta deskovrajo: "Suisiana Lakto-Chokolado Toblerone" skribita en Ido

Wednesday, September 08, 2010

En la reto on povas trovar exempli di Ido skribata en Toblerone-chokolado, nam en la unesma yari pos la kreo di Ido la fundanto dil kompanio Toblerone, Theodor Tobler (qua esis idisto), kreis multa produktaji en qua skribesis e promulgesis Ido.

Hike on trovas un exemplo di to.

Hiere, danko a Google Alerts me trovis skribajo en ula blogo qua anke esis pri Ido ed ica Toblerone-produktaji. La skribero di ta blogo laboras en libro-brokanterio, e hiere unesme vidis atencoze to quo skribesis en ula produktajo, magiala kubo quon on povas chanjar por krear multa imaji. Ed un de ta imaji esas viro qua aspektas quale Santa Nikolas, ma prenante Toblerone-chokolado e docante pri Ido. La skribero di ta blogo ne esas idisto, e do me rekomendas skribar en lua blogo por monstrar ke Ido ankore vivas, e vivas bone. Il skribis ke "ol aspektas quale linguo tre acesebla, quamkam kun forta fundamento latinatra."

Pos ke me skribis komento en la blogo, il kreis video pri la kubo por plu bone monstrar ol. Yen la video:




Cetere, me intencas finigar la triesma parto dil interviuvo en la germana pri la Ido-renkontro en Tübingen. Yen la duesma parto, se vu ankore ne olun lektabas.

FEEDJIT Live Traffic Feed

  © Blogger templates Newspaper by Ourblogtemplates.com 2008

Back to TOP