Google en Xina: la Casa Blanca espresa se suporta per un "rede libre"

Thursday, January 14, 2010


Un tradui de un article en franses ce on trova asi. Tu pote leje la declara orijinal de Google en engles sur la situa en Xina asi.

La Casa Blanca ia indica mercurdi ce el suporta un "rede libre" e ia confirma ce el ia discute con Google sur la atacas electronica "veninte de Xina" do la jigante american de la Rede ia es un vitima.

La Statos Unida suporta un "direto a un rede libre", ia indica la portavose de la presidente american Robert Gibbs a jornalistes.

"La presidente (Barack Obama) e esta dirije ave un crede forte sur la libria de la rede", ia asentia Sr. Gibbs, notante ce Sr. Obama ia dise tal a la dirijores de Beijing durante se visita en Xina la anio pasada.

Sr. Gibbs ia confirma ance ce la ofisia de la presidente es en contata con Google, pos cuando la compania californian ia menasa lasa la mercato xines par causa de atacas eletronica "veninte de Xina" puntante a ativistes de diretos umana en la pais.

1 comments:

cafaristeir said...

Fortunately that LFN has articles; if not, I would have understood "Casablanca" in Morocco !

Indeed, during WW2, German spies had thought Roosevelt and Churchill (together with the French generals De Gaulle and Giraud) would meet at the White House, and not in Morocco...

FEEDJIT Live Traffic Feed

  © Blogger templates Newspaper by Ourblogtemplates.com 2008

Back to TOP