Esperanto fa su intrada al universitá in li Université de Haute-Alsace à Mulhouse in Francia

Tuesday, October 27, 2009


De un articul ci in francesi, un articul tre tripic quel on posse leer in mult jurnales, quel explica sur li lingue e pro quo persones studia it. Ma li question es: esque ti es un reclam por Esperanto, o por Occidental?
Esperanto fa su intrada al universitá


« Bonan tagon. Ĉu vi parolas esperanton ? ». In li facultá de lettres, lingues e scienties homan (FLSH) del Universitá de Haute-Alsace à Mulhouse, Edmond Ludwig saluta su studiantes. Deci-un es nov, por li moment, in ti cursu de du hores per semane por iniciar se al lingue international Esperanto.

Un prof de german, nu retirat, Edmond Ludwig es anc li presidente del association Espéranto France-Est. « Yo aprendet ti lingue per corespondentie ante trianti annus. In nin mensus, yo devenit capabil de docer it. » il dit.

Li iniciative por ti nov líber UE (unité d'enseignement, in Occidental unité de aprension) es del decan de FLSH, un facultá u li lingues yiddish e alsacien anc es instructet..

« Li lingue international Esperanto ne plu posse esser ignorat, scri M. Kerdilès. Reconosset per l'Unesco desde 1954, enormmen usat in E-mails, fat visibil per un Wikipedia de 100 000 articules, difuset sur numerosi stationes de radio, sin obliviar su edition special de Monde Diplomatique, il devet conceder que por academica, it hat devenit ínevitabil. »

...

Esperanto, simplic a aprender por lu tot, esset designat al fine del 19im secul per Ludwig Zamenhof, un oftalmolog poliglott qui vivet in Bialystok, un cité in Polonia u coexistet quar diferent comunités queles presc ne parlat con li altris (polonés, russ, german e judéo).

« It es li max facil del lingues vivent. Pos tri sessiones, on deveni capabil a dir mult coses, assecure Edmond Ludwig. Al fine del unesim semestre, mi studiantes mastrisa it. Vade e vide in un colegia. Pos quar annus de anglesi o german, on ne posse leer quam ci! » di li instructor con entusiasme in li triesim hor del cursu.

Simplicitá

Malgré ti simplicitá, o pro it, « on posse traducter omno in Esperanto, afirma M. Ludwig. In li nivelle de comunication international, turisme, li presse e litteratura, ti lingue ha fat su pruvas. »

Adplu, Esperanto es un apert porta a altri lingues, queles on posse aprender talmen plu facilmen. To es un argument avansat per mult studientes present.

...

Esperanto prunta de diversi radicas: latin, anglo-saxon, international... con un scope de maxim simplicitá, li tot substantives termina in o, adjectives in a, adverbies in e, li infinitives de verbes in i. Li conjugation anc es tre simplic: in li presente, li tot verbes por tot persones termina in as; os in li futur, is in li passate, us in li conditional.

On ne posse far un erra ortografic: « Omno quel es dit es scrit, e omno quel es scrit es pronunciat, di Edmond Ludwig. E por li vocabularium, hay radicas basic, con quel on posse adjunter un gruppe de prefixes e sufixes, chascun con un function bon definit. Por exemple, « Mal » indica li contrarie. »

Esperanto? « Con 16 regules, tu ha bon includet it», di un slogan.

2 comments:

Vivaldi said...

It es un tipical esperantistic propaganda. In verita in esperanto on posse remarcar plur mancas queles secue de tro poc numere de regules. Ma ti mancas ne es remarcabil si on usa esperanto por simplic afferes. Yo es cert que nequi hat considerat posiblitas usar altri aux-lingues in vice de esperanto, nequi considerat educativ valor de ceteri adminim "grand" auxlingues. Ci max important es li "merites" de esperanto.

Bill Chapman said...

Dankon ke vi montris al ni tradukon de tiu artikolo. Mi legis Occidental-lingvon sen ia problemo.

Nu, vi pravas, sugestante ke kiu ajn helplingvo povus doni avantaĝojn,ekzemple rilate la lernadon de etnaj lingvoj.

Occidental certe povus helpi al homoj, sed ĝi servas al nur manpleno da homoj. Same pri Interlingua, Ido, Lingua Franca Nova kaj tiel plu. La granda avantaĝo de Esperanto estas ke ĝi daŭre altiras novajn adeptojn, konstruante iom grandan lingvan komunumon, kiu vivtenas sin per kursoj diverstipaj . Mi mem estas korektanto de poŝtaj kursoj en Esperanto, sed mi ne havas multe da ripozo, ĉar novaj homoj alvenas preskaŭ ĉiutage.

Tute ne ĝenas min se iu lernas kaj uzas alian planlingvon, sed se vi serĉas abundajn kontaktojn en aliaj landoj,kasj se vi serĉas abundan literaturon, Esperanto estas klare la plej saĝa helpilo por vi.

FEEDJIT Live Traffic Feed

  © Blogger templates Newspaper by Ourblogtemplates.com 2008

Back to TOP