Dracula li ínmortale: finalmen un nov roman pri li vampire, e scrit per un del familie Stoker

Friday, October 23, 2009

Bon, un nov roman pri li vampire Comto Dracula, e scrit per un Stoker. On trova un articul pri li libre ci in francesi, li majorité de quel yo ha traductet in Occidental. Ma yo ancor ne ha leet ti libre e ne posse dir ca it es interessant o ne.
Li atnevo de Bram Stoker ha resurectet le in un continuation del roman Dracula. It es dunc ja 112 annus pos li aparentie del icone de romanes gotic in in libre con li titul Dracula: li ínmortale. Li libre besonat six annus de resercha e un colaboration con un altri autor por dar it vive. Dacre Stoker, 51 annus, ne scrit li libre sol, ma con li scritor de New York Ian Holt, 39 annus.

Li aventura de Dracula: li ínmortale es situat 25 annus pos li ovre original.

Lass nos rememorar que Bram Stoker (1847-1912) esset inspirat per un comto romanian por crear su vampire. Vlad Tepes, dit Vlad li trapicator, terrorisat li region de Carpathia per su cruelitá. Li action de Dracula: li ínmortale eveni in 1912. Con mortationes in London e Paris e un chasse a vampires in tot Europa, li terrore del prince del tenebres ha avigilat se. Alquí tracia li heróes del roman original, e it es imposat a Quincey Harker, li filio de Jonathan e Mina Harker, e su amicos de haltar lu mal.

Dacre Stoker e Ian Holt examinat scrupulosimen 124 págines legat per Bram Stoker por un duesim roman. In un interview dat al Presse canadés, Dacre Stoker explica que ili volet prender de ci notes alquó quel ne hat esset usat per su atoncle. To ne significa li resurection de personages existent, ma anc li creation de altris, quam un inspector de policie e "un lesbian comtessa-vampire".

0 comments:

  © Blogger templates Newspaper by Ourblogtemplates.com 2008

Back to TOP