Fugo del Tenebro: 1

Friday, May 16, 2008

What's this? Once somebody finds out what this is I'll give the English title and reveal what I'm doing.

La Naraco Til Nun ...

En la norda lando di Sommerlund, esabas la kustumo dum multa yarcenti sendar la filii dil Soldato-Siniori a la monakeyo di Kai. Ibe li instruktesas la habilesi e diciplini di lia nobla patruli.

La monaki di Kai esas mastri di sua arto, e la filii en lia gardo lin amas e lin respektas malgre ke sua praktikado esas desfacila. Nam uldie, kande li fine lernos la sekreta habilesi dil Kai, li retroiros a lia domi equipita en mento e kordio por defensar su ipsa kontre la menaco sencesa del Tenebromastri del westo.

Dum la anciana tempi, dum la Epoko dil Nigra Luno, la Tenebromastri facis milito kontre Sommerlund. La konflikto esis grava probo di forteso, bitra e longa, probo qua finis kun la vinko dil Sommerlundani a la militego di Maakengorge. Rejo Ulnar e la alianciti di Durenor ruptis la armei dil Tenebromastri a la paseyo di Moytura, e lin retretigis aden la senfunda abismo di Maakengorge. Vashna, lo maxim forta del Tenebromastri, mortigesis per la espado di Rejo Ulnar, nomata 'Sommerswerd', la espado dil suno. Depos ta epoko, la Tenebromastri vovabas venjo a Sommerlund e la Domo di Ulnar.

0 comments:

  © Blogger templates Newspaper by Ourblogtemplates.com 2008

Back to TOP